منتديات العشق الممنوع
اهلا وسهلا بك اخواني وأخواتي الزوار في منتدى العشق الممنوع ونرجو لكم استماع ويا حياكم الله في المنتدى


هدفنا هو ان نخطو بخطى الواثقة
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 نصيحة من رجل مطلق الى المقبلات على الزواج....؟؟؟

اذهب الى الأسفل 
كاتب الموضوعرسالة
Admin
Admin
avatar

عدد المساهمات : 411
تاريخ التسجيل : 29/02/2012
الموقع : على قمة جيل أفرست

مُساهمةموضوع: نصيحة من رجل مطلق الى المقبلات على الزواج....؟؟؟   الإثنين مارس 12, 2012 9:03 pm


نصيحة من رجل مطلق الى المقبلات على الزواج.....


بسم الله الرحمن الرحيم

السلام عليكم ورحمه الله وبركاته

اولا : اسأل الله لك التوفيق في الدنيا والآخرة .. والمسألة سهلة وبسيطة وكل تجربه زوجية مختلفة فلا يوجد تجارب متطابقة لكن توجد نفسيات متقاربة

فالرجال للرجال اقرب والنساء لأخواتهن اقرب .. ولايعني فشل شخص ما في حياته انه قد فشل للأبد وإنما قد تكون انطلاقه له او لها نحو نجاحات اكبر

وذلك كله من تقدير الله سبحانه وتعالى . وقبل كل شي .. لازم المسلم والمسلمة يربطون حياتهم بالله سبحانه وتعالى حتى يوفقهم وييسر امورهم ..

أولا .. وقبل كل شيء الرجل يتصور ان الحرمة راح تكون زى ما يبى هو وليس كما تريد هى ..

1- لاللدخول بنفسية المحارب التي فيها منتصر ومهزوم .. فكما للرجل سلاحه وأمره ونهيه في بيته فان سلاح المرأة هو اقوى وهو انوثتها وتقديم العمل الطيب منها

.. والكلام اللين يغلب الحق البين .. وشبابنا الغالب فيهم مخالطة الشباب امثاله والتعامل بينهم قاسي كما هي حال الشباب مع بعض ولازم له فتره يتعلم كيف يتعامل ..
فالله يكون بالعون

2- اذا رجع من عمله او من أي مكان يتمنى مايسمع كلمه وين كنت او نظرة عتاب على تأخره وإذا تم الترحيب به واستراح .. مباشرة يبدا يتكلم

بكل شي الى حتى يصل مرحله الهذر لأنه يتكلم من تلقاء نفسه بدون تحقيق وتقصي .. لأنه غالبا تكون الشمس حارقته وتعبان وسايق تحت الشمس فالنفسية زفت .

3- سؤال تسئله أي زوجه لزوجها "هل تحبني" هو كسؤال حلو لكن الاكثار منه يتعب .. وهو يحبك فلو كان مايحبك لما تزوجك والزوج دائما

يظهر حبه بتقديم الاشياء والشراء والرجل بشكل عام ضعيف من ناحية بناء الكلام لكن اذا استراح بدا يتكلم ويتلكم ويقول كل شي ..
وبشكل عام الرجال بسييييييييييط بس يبي له فهم


4- المقارنات .. هذي سالفتها سالفة فكما تكرهين ان يقارنك بأخواته او قريباته فانه يكره تجيبين له طاري فلان زوج فلانه اللي سوا وسوا

لانه راح يعتبر هذا استنقاص من قدره وان تظاهر بالسكوت لأنه احيانا مايقدر يصير زيهم مثل اللي تقارن زوج حديث الزواج والوظيفة بواحد ثري مليونير وهذي مقارنة مجحفة .

5- الوالدة لها قدرها ومقامها لكن نظرة الرجل تختلف بشكل كامل عن نظرتك لأمك .. ولااااااازم يفلتر كل كلام يجي من الام او احد الاخوات صح يبون

مصلحتك لكن انتي اعرف بالرجال منهم كلهم وتجربة امك لاتعني انه لازم تعيشينها تماما لان العمر والوقت غير والتفكير مختلف ..

6- لاتطلعين عن بيتك الا كل خير وقولي دايم الحمد لله ولاتدخلين بتفاصيل واستري على مشاكلكم لان اذان الناس تحفظ المشاكل وبس ..

ولو قلتي لاهلك كل مشاكلك توقعوا ان حياتك سيئة والكلام هذا غير صحيح .. لان فيه ساعات حلوة بس الواحد مايعلم بهن احد .

7- في حال وجود مشكلة لاقدر الله لاتحرصين على التصعيد وان تصعدت دخلي فيها الرجال العااااااااقل لان غالبا تعامل الحريم مع رجال البنت يؤدي لمشكلة كبيرة والكلام هذا اقوله من واقع تجربتي

8- امه امه امه .. تراها ام وأنتي زوجة .. وأي معركة معها انتي الخسرانة .. لاوبعد قولي امك احسن شي ولاتجيبين سيرتها الا بالزين واذا كسبتيها

تراك كسبتي الولد اكثر واكثر لانه اذا فكر يزعلك قالت له امه اعقل ترا البنت عاقله وماشفنا منها الا الخير فتكون لك صمام امان ,,

9- الحرص على ماله لان رجال هالوقت مايدري من ويجيه الطق .. من قسط السيارة ولا ايجار البيت ولا من المصاريف والغلا الفاحش بكل شيء
واخيرا همه الكبير ببناء بيت يأويه مع اسرته وظروف اليوم غير اول بكثيييير


10- تذكرى انك داخله على رجل له حياة حرة قبلك لذا كنى حذرة فى فرض نفسك عليه بفرض الواقع لكن افرضى نفسك بحسن تعاملك معها

فى كل احواله اتركيه حتى يصل مرحلة انه مايستغني عنك ابد ويعتمد عليك بعد الله في كل حياته وقديما وحديثا قيل ورا كلللللللللل رجل عظيم امراة ..



11- اخيرا .. لاتنصرفي عن هواياتك وصديقاتك وتتركينهن بالكلية وتعودي تكوني لوحدك في حال خروجه حتى ماتتعلقين فيه كثير فيتعب

اذا رجع وتصير نفسيتك مشحونه عليه لانك تحسين انه تركك وهو قد يكون مشغول او رايح يجيب اغراض لبيته وكل رجل يضع بيته في قمة اولوياته

وقبل كل شي التوفيق من الله سبحانه وتعالى .. وكل ماازدادت ثقة المسلم بربه حقق له مراده ووفقه لكل خير .. وتفائلوا بالخير تجدوه


منتديات العشق الممنوع - للبنات للنساء للفتيات بنوتات ( الدلوعات Embarassed )- منتدى الحياة الزوجية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://asakmamnoa.forumarabia.com
 
نصيحة من رجل مطلق الى المقبلات على الزواج....؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات العشق الممنوع :: منتدى الحياه والثقافة الزوجية-
انتقل الى: